Bókavörður - hlutastarf

Við leitum að áhugasömum, jákvæðum og þjónustulunduðum bókaverði í hlutastarf á Bókasafni Seltjarnarness.

Vinnutími er 2-3 laugardaga í mánuði (yfir veturinn) frá kl. 11-14.
Stöku afleysingar seinni partinn virka daga þegar þörf krefur.

Starfið hentar því mjög vel með skóla fyrir ungmenni á Seltjarnarnesi og gefur möguleika á sumarstarfi.

• Bókavörður sinnir allri almennri þjónustu við lánþega og gesti safnsins, veitir upplýsingar, ráðgjöf og hefur umsjón með ásýnd safnsins.
• Stúdentspróf eða sambærileg menntun er mikilvæg sem og tölvufærni.
• Gott vald á íslensku í ræðu og riti er krafa.
• Lögð er áhersla á stundvísi, samskiptafærni og sjálfstæð vinnubrögð.
• Áhugi og almenn grunnþekking á bókmenntum skiptir máli í starfinu.

Umsóknarfrestur er til og með 14. janúar nk. og viðkomandi þarf að geta hafið strax störf. Tekið er við umsóknum og starfsferilskrá í gegnum ráðningarvef Seltjarnarnesbæjar.

Nánari upplýsingar veitir María Björk Óskarsdóttir, sviðsstjóri Þjónustu- og samskiptasviðs Seltjarnarnesbæjar, mariab@seltjarnarnes.is.

Bókasafn Seltjarnarness er fjölskylduvænt og vinsælt almenningsbókasafn staðsett á Eiðistorgi.

Safnið er enn fremur menningarmiðstöð Seltjarnarnesbæjar þar sem fram fer fjölbreytt menningarstarf og viðburðir.

Upplýsingar um safnið má sjá á seltjarnarnes.is/bokasafn

Í samræmi við jafnréttisáætlun Seltjarnarnesbæjar eru öll kyn hvött til að sækja um störfin. Launakjör eru samkvæmt kjarasamningi Seltjarnarnesbæjar og viðkomandi stéttarfélags.