Seltjarnarnesbær auglýsir eftir bókaverði til starfa á Bókasafni Seltjarnarness.
Um er að ræða 70-100% stöðu og skipta starfsmenn bókasafnsins með sér vöktum.
Við leitum að jákvæðum, sveigjanlegum og vandvirkum starfsmanni sem býr yfir miklu frumkvæði og elskar að vera í samskiptum við fólk á öllum aldri. Í boði er líflegt starf fyrir einstakling sem hefur ríka þjónustulund, er vel lesinn og áhugasamur um bækur, menningu og viðburði. Starfið felur í sér ráðgjöf og þjónustu við gesti safnsins, upplýsingamiðlun, umsjón með safnkostinum og öðru sem við kemur safninu og þörfum notenda.
Helstu verkefni og ábyrgð:
- Þjónustuvaktir á safninu, aðstoð og almenn ráðgjöf til gesta
- Umsjón með útlánum og skilum gagna
- Frágangur og viðgerð safngagna
- Umsjón með daglegri ásýnd safnsins
- Undirbúningur og aðkoma að viðburðastarfi
- Ýmis skilgreind sérverkefni og teymisvinna
- Ábyrgð á trúnaðarupplýsingum
Menntunar-, reynslu- og hæfniskröfur:
- Stúdentspróf eða sambærileg menntun
- Almenn tölvukunnátta og færni í notkun samfélagsmiðla
- Rík þjónustulund, jákvæðni og færni í mannlegum samskiptum
- Frumkvæði, sveigjanleiki, vinnusemi og sjálfstæð vinnubrögð
- Áhugi og almenn grunnþekking á bókmenntum
- Reynsla af þjónustustörfum er nauðsynleg
- Reynsla af starfi á bókasafni er kostur
- Gott vald á bæði íslensku og ensku í ræðu og riti
Fríðindi í starfi:
- Heilsuræktarstyrkur
- Samgöngustyrkur
- Sundkort
- Bókasafnskort
Nánari upplýsingar um starfið:
Bókasafn Seltjarnarness er fjölskylduvænt og vinsælt almenningsbókasafn, staðsett á Eiðistorgi. Safnið er enn fremur menningarmiðstöð Seltjarnarnesbæjar þar sem fram fer fjölbreytt menningarstarf og viðburðir. Safnið er opið alla daga vikunnar nema sunnudaga en alveg lokað um helgar á sumrin. Starfsfólk skiptir með sér vöktum þ.m.t. laugardagsopnun yfir vetrartímann. Nánari upplýsingar um starfsemi safnsins má sjá á seltjarnarnes.is/bokasafn.
Umsóknarfrestur er til og með 19. janúar 2026.
Miðað er við að viðkomandi geti hafið störf sem fyrst. Tekið er við umsóknum í gegnum ráðningarvef Seltjarnarnesbæjar www.seltjarnarnes.is. Umsókn skal fylgja starfsferilskrá og kynningarbréf.
Nánari upplýsingar veitir María Björk Óskarsdóttir, sviðsstjóri Þjónustu- og samskiptasviðs Seltjarnarnesbæjar, mariab@seltjarnarnes.is.
Í samræmi við jafnréttisáætlun Seltjarnarnesbæjar eru öll kyn hvött til að sækja um. Launakjör eru samkvæmt kjarasamningi Seltjarnarnesbæjar og viðkomandi stéttarfélags.
