Þroskaþjálfi eða starfsmaður með aðra uppeldisfræðimenntun, fullt starf

Frístundamiðstöð Seltjarnarness

Frístundamiðstöð Seltjarnarnesbæjar sameinar þjónustu sem veitt hefur verið af hálfu Fræðslusviðs og Íþrótta- og tómstudasviðs bæjarins í frístundaheimilinu Skólaskjóli / Frístund, félagsmiðstöðinni Selinu, ungmennahúsinu Skelinni, Sumarskóla og á sumarnámskeiðum.

Markmið frístundamiðstöðvar er að standa fyrir heildstæðu þjónustutilboði fyrir börn, frá 6 ára aldri, og ungmenni. Þjónusta frístundamiðstöðvar miðar við heildstætt tilboð árið um kring, sem einfalda skal foreldrum skráningu og fyrirbyggja rof í þjónustu.

Yfirmaður frístundamiðstöðvarinnar er Margrét Sigurðardóttir. Forstöðumaður barnastarfs er Hólmfríður Petersen og forstöðumaður unglingastarfs er Guðmundur Ari Sigurjónsson. Barnastarf nær yfir þjónustu Sumarskóla, Skólaskjóls/Frístundar og sumarnámskeiða, en unglingastarfið nær yfir félagsmiðstöðina Selið, ungmennahúsið Skelina, ungmennaráð og sumastörf unglinga.

 

Þroskaþjálfi eða starfsmaður með aðra uppeldisfræðimenntun, fullt starf

 

Menntunar og hæfniskröfur

  • Þroskaþjálfamenntun og leyfi til að nota starfsheitið þroskaþjálfi eða önnur uppeldisfræðimenntun
  • Reynsla af starfi í grunnskóla eða frístundaheimili æskileg

Helstu verkefni og ábyrgð

  • Skipulagning og framkvæmd sértækra verkefna og sérhæfðrar þjálfunar í frístundastarfi
  • Þjálfun nemenda í samráði við aðra fagaðila
  • Ráðgjöf til starfsfólks frístundaheimilis og foreldra

 

Í samræmi við jafnréttisáætlun Seltjarnarnesbæjar eru konur jafnt sem karlar hvött til að sækja um störf. Launakjör eru samkvæmt kjarasamningi Sambands íslenskra sveitarfélaga við Kennarasamband Íslands.

 

Upplýsingar um starfið veitir Margrét Sigurðardóttir margrets@seltjarnarnes.is 

Umsókn ásamt fylgiskjölum skal skilað á Ráðningarvef Seltjarnarnesbæjar -undir http://www.seltjarnarnes.is-Störf í boði

Umsóknarfrestur er t.o.m. 9. júní 2019.

 

Deila starfi