Deildarstjóri leikskóla

Við þurfum á góðu fólki að halda til að koma til liðs við okkar frábæra hóp! Skólinn státar af metnaðarfullri starfsemi, ýmsum viðbótarkjörum og styttingu vinnuvikunnar. Óskað er eftir aðila sem er tilbúin til að taka þátt og þróa starfið og vera um leið hluti af heildarsýn skólans og því faglega starfi sem þar fer fram.

Megin verkefni: 

• Stjórnun og skipulagning 
• ekur þátt í gerð skólanámskrár, ársáætlunar, mati á starfsemi leikskólans og þróunarverkefnum undir stjórn leikskólastjóra. 
• Ber ábyrgð á stjórnun, skipulagningu, framkvæmd og mati starfsins á deildinni 
• Annast daglega verkstjórn á deildinni og ber ábyrgð á að miðla upplýsingum innan deildarinnar, milli deilda leikskólans og milli leikskólastjóra og deildarinnar. 
• Ber ábyrgð á og stýrir deildarfundum og skipuleggur undirbúningstíma starfsfólks deildarinnar. 
• Hefur umsjón með móttöku, þjálfun og leiðsögn nýrra starfsmanna deildarinnar. 
• Fylgist með að deildin sé búin nauðsynlegum uppeldis- og kennslugögnum í samvinnu við leikskólastjóra.
• Ber ábyrgð á að unnið sé eftir skólanámskrá og ársáætlun leikskólans á deildinni. 
• Tryggir að sérhvert barn á deildinni fái kennslu, leiðsögn, umönnun og/eða sérkennslu eftir þörfum. 
• Ber ábyrgð á að meðferðaráætlunum sérfræðinga vegna einstakra barna sé framfylgt. 

Menntunar- og hæfniskröfur: 

• Leyfisbréf sem kennari (Leyfisbréf fylgi umsókn)
• Reynsla af sambærilegu starfi kostur
• Færni í samskiptum og samstarfshæfileikar
• Frumkvæði, sjálfstæði í vinnubrögðum og faglegur metnaður
• Góð tölvukunnátta
• Góð íslenskukunnátta

Í samræmi við jafnréttisáætlun Seltjarnarnesbæjar eru öll kyn hvött til að sækja um.

Launakjör eru samkvæmt kjarasamningi Sambands íslenskra sveitarfélaga við hlutaðeigandi stéttarfélög.

Umsóknum ásamt fylgiskjölum skal skilað á Ráðningarvef Seltjarnarnesbæjar undir seltjarnarnes.is - Störf í boði.

Umsóknarfrestur er til og með 30. apríl 2024.

Leikskóli Seltjarnarness er sameinuð fag- og rekstrareining með um 220 börnum. Í skólanum eru 12 deildir á þremur starfsstöðvum, Mánabrekku og Sólbrekku við Suðurströnd og Stjörnubrekku á Skólabraut 1. Í skólanum er lögð áhersla á að börn fái tækifæri til að hjálpa sér sjálf eftir því sem þroski þeirra og geta leyfir og þau styrkt til sjálfshjálpar í öllum þáttum daglegs lífs. Leikurinn er hornsteinn leikskólastarfsins því samkvæmt hugmyndafræði leikskóla lærir barn mest og best í leik og samskiptum við börn og fullorðna í frjóu og skapandi umhverfi. Í leikskólanum er unnið eftir stefnu jákvæðs aga og rík áhersla er lögð á tónlistaruppeldi.